Davíðshús

ATHUGIÐ!

Rithöfundar og fræðimenn: Umsóknartímabil fyrir árið 2017 hefst mánudaginn 5. september nk. og lýkur föstudaginn 16. september. Umsóknir skal senda með netpósti á doddi@akureyri.is.

Umsækjendur ættu endilega að vanda til umsóknar og veita upplýsingar um sjálfa sig og verkin sem þeir hyggjast vinna að meðan á dvöl stendur. Vandaðar umsóknir auka líkur á úthlutun. Einnig væri gott að tilgreina aukatímabil í umsókninni ef aðaltímabilið reynist ekki laust.

Eftir að umsóknartímabili lýkur fer nefnd yfir umsóknirnar og umsækjendur fá að vita 7-10 dögum síðar hvort og þá hvenær þeir fá íbúðina til afnota.

 - Þorsteinn "Doddi" Jónsson, umsjónarmaður

Davíðshús á góðviðrisdegi (mynd fengin af visitakureyri.is)

Rithöfunda- og fræðimannaíbúð
(Davíðshús - Bjarkarstíg 6)

Rithöfunda- og fræðimannaíbúð er á neðri hæð húss skáldsins frá Fagraskógi að Bjarkarstíg 6, Akureyri. Íbúðin er ætluð rithöfundum og fræðimönnum til afnota í lengri eða skemmri tíma gegn vægu gjaldi, hámark einn mánuð í senn.

Í íbúðinni eru: svefnherbergi, stofa, skrifstofuherbergi, eldhús, baðherbergi og geymsla. Allur almennur húsbúnaður og lín er til staðar í íbúðinni, ásamt þráðlausri nettengingu. Símanúmer í gestaíbúð er 462-7498.

Auglýst er sérstaklega eftir umsóknum í rithöfunda- og fræðimannaíbúðina á haustdögum fyrir komandi ár. Aðilum er hins vegar frjálst hvenær sem er að kanna hvort íbúðin sé laus á ákveðnum tímum.
Umsóknir skulu berast til Þorsteins G. Jónssonar á Amtsbókasafninu.

Amtsbókasafnið á Akureyri
b/t Þorsteinn G. Jónsson
Brekkugötu 17
600 Akureyri
Sími: 460 1258
Netfang: doddi@akureyri.is

Síðast uppfært 02. maí 2017