Fréttasafn

Bókamarkaður Amtsbókasafnsins hefst 1. október og verður uppi út mánuðinn. Á markaðnum má m.a. finna barna- og unglingabækur, skáldsögur, fræðirit, tímarit, dvd myndir og sjónvarpsþáttaseríur.

Í dag, kl. 16:30, er fyrsti fundur Ritfanga, sem eru opnir fundir fyrir þau sem hafa áhuga á skapandi skrifum. Sesselía Ólafsdóttir, leikkona handritshöfundur og Vandræðaskáld, heldur utan um hópinn.

Amtsbókasafnið verður lokað á fimmtudag og föstudag vegna þátttöku starfsfólks í Landsfundi Upplýsingar. Vetrarafgreiðslutíminn er þó búinn að taka gildi og því verður opið hjá okkur frá kl. 11-16 á laugardaginn. Sjáumst þá!

Nú stendur yfir á Glerártorgi sýningin Orð unga fólksins – Ungskáld 2013-2021. Ungskáld er verkefni á Akureyri sem gengur út á að efla ritlist og skapandi hugsun hjá ungu fólki á aldrinum 16-25 ára. Á sýningunni eru þau verk sem unnið hafa til 1. verðlauna í Ungskáldasamkeppninni frá upphafi.

Hauststarfið er nú að hefjast á Amtsbókasafninu og í dag vakna tveir viðburðir úr dvala: Sögustundir og handavinnuklúbburinn Hnotan.

Ratleikurinn Úti er ævintýri opnar á Alþjóðadegi læsis, 8. september. Víðs vegar um Kjarnaskóg eru sögupersónur úr barnabókum og ef þú fylgir vísbendingunum þá finnur þú þær allar.

Langar þig að leggja stund á rit- eða fræðimannastörf í frískandi andrúmslofti norðan heiða? Þá gæti dvöl í rithöfunda- og fræðimannaíbúð á neðri hæð húss skáldsins frá Fagraskógi verið fyrir þig.