Kvikmyndir

Velkomin í kvikmyndadeildina okkar! Við bjóðum mikinn fjölda mynda, nýjar og gamlar, og á mörgum tungumálum. Allar tillögur og athugasemdir eru vel þegnar (thorsteinn@akureyri.is) - takk.

  • Mynddiskar kosta 100 til 400 kr. - lánaðir út í tvo daga
  • Barnamyndir kosta 100 til 400 kr. - lánaðar út í 7 daga
  • Sjónvarpsþættir kosta 200 kr. - lánaðir út í 7 daga
  • Fræðslumyndir kosta 100 kr. - lánaðar út í 7 daga
  • 2 fyrir 1 alla föstudaga og laugardaga (borgað fyrir dýrari diskinn)

Mynddiskaeign Amtsbókasafnsins 
Á IMDb er hægt að sjá lista yfir þær myndir sem hægt er að leigja á Amtsbókasafninu. Listinn er uppfærður reglulega en er þó ekki alveg tæmandi, þar sem ýmsar íslenskar myndir og fræðimyndir vantar á vefinn. 

Internet Movie Database (IMDb)
Vinsælasti, mest verðlaunaði og stærsti vefurinn um kvikmyndir! Hér geta notendur skráð sig inn, gefið kvikmyndum einkunnir, ritað dóma um kvikmyndir, tekið þátt í umræðum af öllu tagi, skoðað sýnishorn úr kvikmyndum, séð helstu fréttir dagsins, ásamt svo ótrúlega mörgu öðru. Hvert kvikmyndaelskandi mannsbarn ætti hiklaust að vera skráð á þennan vef!

iTunes Movie Trailers
Ef þú vilt sjá sýnishorn úr einhverri nýlegri eða væntanlegri kvikmynd, þá er þetta mjög góður staður - einn sá besti. Mjög stutt bið eftir að sýnishornið hefjist og gæðin góð.

Kvikmyndir.is
Íslenskur vefur um kvikmyndir, sem leggur áherslu á það sem verið er að sýna í innlendum kvikmyndahúsum, ásamt skemmtilegum fróðleik um myndirnar, leikarana og ýmislegt annað.

Movie Mistakes
Ekki hafa allir kvikmyndaáhugamenn jafn gaman af því þegar bent er á mistök í kvikmyndum. Það eyðileggur stundum fyrir þeim upplifunina. Svo eru til aðrir sem neita því að um mistök sé að ræða. Ein besta síðan (ef ekki sú besta) á netinu sem hefur tekið saman yfirlit yfir mistök í kvikmyndum er einmitt MovieMistakes.com og áhugasömum er bent á þessa síðu þar sem hægt er að skrá sig inn, taka þátt í umræðum og benda á vitleysur ... eða hreinlega að afsanna vitleysurnar :-)

Rotten Tomatoes
Virkilega skemmtilegur vefur með góðum upplýsingum um kvikmyndir og leikara, ásamt því að gefa notendum tækifæri á að dæma kvikmyndir og taka þátt í umræðum. Hér er einnig gott yfirlit yfir gagnrýni frá hinum ýmsu gagnrýnendum, sem og almennum notendum síðunnar.

Síðast uppfært 06. apríl 2017