Vinningshafar í málsháttakeppni
Laugardaginn 26. janúar síðastliðinn fór fram sögustund, þar lesið var upp úr bókinni Gallsteinar afa Gissa. Í framhaldinu fór fram happdrætti og málsháttakeppni í boði MENNINGARFÉLAGS AKUREYRAR. Þátttakandi með skemmtilegasta málsháttinn vann miða á leikritið Gallsteinar afa Gissa sem fljótlega verður til sýninga í Samkomuhúsinu. Að sögustund og málsháttakeppni lokinni tók við origami-kennsla undir leiðsögn Helgu og Fríðu.
Adríana var dregin úr hópi þátttakenda í happdrættinu en Ásdís vann málsháttakeppnina með málshættinum: Augun sjá það sem eryrun sjá ekki.
Aðrir málshættir:
Betri er bók í hönd en í hillu
Kórinn syngur en snjórinn hrinur
Betri er bók en kók
Betri er gulrót í maga en hola í tönn
Betra er snúður í maga en tala á úlpu
Hér las ég bók og hingað ég ekki ók
Sumir geta galdrað neitt en sumir bara eitt
Afi Gissi er gallalaus
Oft eru bækur á bókasafni
Oft er ís betri en snjór
Það er best að kunna smá af öllu frekar en mikið af engu
Það er betra að vera ríkur af ást en að eiga mikið sem er verðmætt
Brostu í dag, þú gætir misst tönn á morgun
Betra er að vera góður borgari en hamborgari
Betra er að ganga en hanga
Oft stoppar strætó á Hlemmi
Broskallar geta brosað oft!
Gott er að drekka mikið vatn við þorsta.
Myndir frá laugardeginum:
