Upplestur og spjall: Geðveikt með köflum

„Ég vakna einn upp á ókunnum stað og hef enga hugmynd um hvar ég er. Bætir ekki úr skák að ég er þun…
„Ég vakna einn upp á ókunnum stað og hef enga hugmynd um hvar ég er. Bætir ekki úr skák að ég er þungur og lyfjaður og á erfitt með að standa upp úr rúminu. Herbergið er dimmt.“

Föstudaginn 23. nóvember kl. 12:00 mun fjölmiðlamaðurinn Sigursteinn Másson fjalla um nýútkomna bók sína Geðveikt með köflum

Á bókarkápu segir: 

„Ég vakna einn upp á ókunnum stað og hef enga hugmynd um hvar ég er. Bætir ekki úr skák að ég er þungur og lyfjaður og á erfitt með að standa upp úr rúminu. Herbergið er dimmt.“

Þannig hefst einstæð frásögn Sigursteins Mássonar um lífshlaup sitt þar sem sannarlega hafa skipst á skin og skúrir. Sigursteinn var aðsópsmikill fréttamaður á sínum tíma og lét talsvert að sér kveða í fjölmiðlum. Þá hvarf hann af skjánum og af þjóðlífsvettvangi, en segir nú söguna af þeim hremmingum sem hann gekk í gegnum.

Af mikilli einlægni, hispursleysi en líka kankvísi fjallar Sigursteinn hér um andleg veikindi sín, hvernig hann sá og heyrði samsæri í hverju horni, um stríðið í Kosovo þar sem Sigursteinn var einna fyrstur vestrænna fréttamanna á staðinn, Guðmundar- og Geirfinnsmálin og þátt þeirra í veikindunum. Og þegar hann fór fram á við Davíð Oddsson forsætisráðherra að fá einkaþotu til að komast úr landi og fjármagn til uppihalds að uppfylltum ákveðnum skilyrðum.

Geðveikt með köflum er áhrifamikil frásögn samtímamanns um veikindi og tvísýna baráttum um andlega heill og velferð, og hvernig honum tókst, með hjálp góðra manna og kvenna að ná tökum á geðsjúkdómi sínum.


Allir hjartanlega velkomnir!

Des Nóv Okt Sep Ágú Júl Jún Maí Apr Mar Feb Jan