Það var fjör á Amtsbókasafninu laugardaginn 19. nóvember sl. Þá var Minecraft föndur í barnadeildinni og spila- og púslmarkaður í kaffiteríunni á 1. hæð.
Myndirnar sem hér fylgja eru teknar úr barnadeildinni (með leyfi foreldra) og það má sjá að glatt var á hjalla og margir listamenn að störfum. Eydís barnabókavörður og Nora aðstoðuðu börn og foreldra. Einnig mátti sjá fólk hjálpa hvert öðru og mörg listaverkin litu dagsins ljós.
Við minnum fólk á að vera duglegt að kíkja á viðburðadagatalið okkar, sem og samfélagsmiðlana, til að sjá hvað er á döfinni hjá okkur.
Sjáumst hress á Amtsbókasafninu!