Ljóðasmiðja / Barmenningarhátíð

Skæri, lím og túss og þú ert skáld!
Skæri, lím og túss og þú ert skáld!
Ljóðasmiðja mun fara fram í sýningarrými Amtsbókasafnsins 6.-24. apríl. Þá gefst ungu fólki (og þeim sem eru ungir í hjarta) tækifæri á að skapa ljóð úr afskrifuðum bókum. 
 
Um er að ræða klippiljóð annars vegar og myrkvunarljóð hins vegar.
- Klippiljóð: skæri, lím og þú ert skáld!
- Myrkvunarljóð: skapaðu myrkvunarljóð úr tússpennum og blaðsíðum úr gömlum bókum.
 
Ljóðasmiðjur fara einnig fram í félagsmiðstöðvum á Akureyri og munu þær standa út apríl. 
 
Ljóðasmiðjan á Amtsbókasafninu er opin líkt og safnið, alla virka daga kl. 10-19 og á laugardögum kl. 11-16. 
 
LJÓÐASNAPP 
Á sumardaginn fyrsta, fimmtudaginn 19. apríl kl.15:00 verða valin ljóð, sem samin voru í ljóðasmiðjum í félagsmiðstöðvum bæjarins og á Amtsbókasafni, lesin upp í Davíðshúsi í samstarfi við Minjasafnið á Akureyri. Upplesturinn fer einnig fram á samfélagsmiðlum.
 
Klippum, límum, teiknum og semjum ljóð! 
 
Ljóðasmiðjan er partur af viðburðaröð í tengslum við Barnamenningarhátíð á Akureyri sem haldin verður í fyrsta sinn nú í ár. Hátíðin mun standa 16.-22. apríl. Hægt er að nálgast upplýsingar um viðburði á Facebook og á Instagram. Barnamenningarhátið er vettvangur fyrir menningu barna, með börnum og fyrir börn.
 
Myllumerki Barnamenningarhátíðar á Akureyri er #barnamenningak
Des Nóv Okt Sep Ágú Júl Jún Maí Apr Mar Feb Jan