Er sumarlokun á leikskólanum, rigning úti og barnið við það að borða seríós úr stígvélinu sínu?
Dagana 20.-24. júlí kl. 16:30-18:30 eru allir velkomnir í kósý klippismiðju á Amtsbókasafninu. Á staðnum verða afskrifuð tímarit og bækur ásamt skærum, límstiftum og lituðum blöðum.
Gefið ímyndunaraflinu lausan tauminn og skapið afmæliskort, veggspjald, bókamerki eða bara ykkar eigin heim!
Á Amtsbókasafninu er einnig hægt að spila, leigja mynddiska, lita, fá sér kríu og að sjálfsögðu skoða fullt af skemmtilegum bókum!
Verið hjartanlega velkomin!