Í tilefni hinsegin daga höfum við tekið saman hinsegin efni og prýðir það nú borðið í sýningarrýminu - allt til útláns. En þrautin í dag tengist einmitt því og við vonum að þið skemmtið ykkur vel!
- Söngvararnir David Bowie og George Michael voru heimsfrægir ... gífurlega vinsælir. Hvaða ár létust þeir?
- Hvenær héldu lesbíur og hommar í fyrsta sinn út á götur á Íslandi?
- Hvað heitir kvikmyndin sem fjallar um líf Eltons Johns og hver lék hann? (Aukaspurning: Hver söng fyrir hann í myndinni?)
- Brokeback Mountain þótti framúrskarandi kvikmynd, hlaut nær einróma lof gagnrýnenda og fjöldann allan af verðlaunum. Ein vinsælustu og umdeildustu verðlaunin í kvikmyndunum eru Óskarsverðlaunin og það vakti mikla athygli að myndin skyldi ekki vinna sem besta mynd ársins 2005 þegar þau verðlaun voru afhent í mars 2006. Hvað heitir kvikmyndin sem hirti þau verðlaun af henni?
- Hvað heitir fyrsta íslenska ungmennabókin sem er með transmanneskju sem aðalpersónu? Og hver er höfundurinn?
- Hver er gjarnan kallaður „eini samkynhneigði einstaklingurinn í þorpinu?“
Gleðilega hinsegin hátíð og helgi ... og við sjáumst hress og hýr og kát á mánudaginn kl. 8:15!
- 2016 (David Bowie í janúar og George Michael í desember)
- Það mun hafa verið í júní 1993 og síðan árið eftir.
- Rocketman (2019). Taron Egerton lék Elton eftirminnilega og varðandi aukaspurninguna, þá söng hann sjálfur! (Taron og Elton hafa verið saman á sviði og sungið)
- Það er kvikmyndin Crash (2004), sem einnig hlaut Óskarinn fyrir besta frumsamda handritið og bestu klippinguna.
- Það er bókin Sterk eftir Margréti Tryggvadóttur.
- Það er auðvitað hann Daffyd í skemmtiþáttunum Little Britain. („I’m the only gay in the village...“)