Föstudagsþraut : Google þýddir titlar (svör komin!)

Föstudagurinn er kominn og við gleðjumst yfir því. Á morgun er fyrsti laugardagur vetrarins þar sem við höfum opið (11:00-16:00). Vú hú! Þraut dagsins er tengd Google!

Eða öllu heldur Google Translate. Það sem við gerðum var að taka titil á íslensku, sem er auðvitað til útláns hjá okkur, þýða hann yfir á rússnesku, þýða svo yfir í spænsku, þaðan yfir í dönsku og að lokum aftur í ylhýru íslenskuna. Niðurstöðurnar eru í flestum tilfellum mjög keimlíkar upprunalega titlinum en þó eru 2-3 sem kannski vekja meiri athygli.

Enginn titill er samt algjörlega og 100% réttur - og það er því ykkar verkefni að sjá hvaða tíu titlar um ræðir hér. Rétt svör koma eftir helgi!

Munið: hafið gaman! Og munið munið: opið á morgun og alla laugardaga fram til 15. maí 2023 (nema lögboðna frídaga!)

1. Gifting miðlari gjöf
2. Sjúkratryggingar
3. Frábært flæði
4. Risaeðlugengið: treasure hunt
5. Sjal og teppi
6. Aldrei, nema vinnukonan
7. Fugla stafróf
8. Pönnukökukaka
9. Þeir líta aldrei undan
10. Sextánskur

Jæja ... auðvelt?  Góða skemmtun!

- - - -

Svör:

1. Gjöf hjúskaparmiðlarans
2. Samkomulagið
3. Stórstreymi
4. Risaeðlugengið: fjársjóðsleitin
5. Sjöl og teppi
6. Aldrei nema vinnukona
7. Stafróf fuglanna
8. Pönnukökutertan
9. Þær líta aldrei undan
10. Nornadrengurinn

(HVAÐ VORU MARGIR MEÐ ALLT RÉTT???)