Barnamenningarhátíð: Draugasöguupplestur

„Ótti er jafn mikill hluti af tilveru barna og fullorðinna, og með lestri (og ritun) hrollvekja getum við tekist á við ótta okkar í öruggu umhverfi og fáum útrás fyrir erfiðar tilfinningar“ - Markús Már Efraím

Hvað: Draugasöguupplestur
Hvar: Amtsbókasafninu á Akureyri
Hvenær: Laugardaginn 13. apríl kl. 15:00

Rithöfundurinn og kennarinn Markús Már Efraím þekkir drauga og forynjur betur en flestir aðrir. Hann ristýrði og gaf út hrollvekjusafnið Eitthvað illt á leiðinni er sem hlaut fjölda viðurkenninga og hefur birst börnum ljóslifandi í Stundinni okkar. Markús flytur draugasögur og hrollvekjur fyrir börn á öllum aldri, en verið viðbúin því að hafa ljósin kveikt um kvöldið. Múahahahaha...

Upplesturinn er liður í Barnamenningarhátíð á Akureyri sem haldin verður í annað sinn nú í ár. Hátíðin mun standa 9.-14. apríl. Hægt verður að nálgast upplýsingar um viðburði á Facebook og á Instagram. Barnamenningarhátið er vettvangur fyrir menningu barna, með börnum og fyrir börn.

Myllumerki Barnamenningarhátíðar á Akureyri er #barnamenningak