Stjórn Akureyrarstofu fer með stjórn menningar-, ferða-, markaðs- og atvinnumála Akureyrarbæjar í umboði bæjarstjórnar. Stjórnin gerir tillögur til bæjarstjórnar um stefnumörkun á þessum sviðum og vinnur að samhæfingu aðgerða. Stjórnin fylgist með því að stofnanir á hennar vegum vinni að settum markmiðum, veiti góða þjónustu og að starfsemi þeirra sé skilvirk og hagkvæm.

Helstu verkefni stjórnar Akureyrarstofu eru:

• að stuðla að öflugu starfi í málaflokkum sínum og hafa um það samstarf við aðila sem starfa á því sviði, m.a. með gerð sérstakra samstarfssamninga þar sem það á við,
• að efla og samræma kynningar- og markaðsmál Akureyrarbæjar,
• að kynna möguleika í atvinnumálum sem bjóðast á Akureyri,
• að hafa eftirlit með rekstri stofnana Akureyrarbæjar sem starfa á verksviði hennar,
• að fylgjast með starfsemi stofnana og félaga er njóta styrkja stjórnar Akureyrar­stofu,
• að líta eftir að til séu sem gleggstar upplýsingar um verkefni stjórnarinnar og að upplýsingar um þá þjónustu sem í boði er séu aðgengilegar á einum stað fyrir bæjarbúa, ferðafólk og aðra,
• að hafa eftirlit með framkvæmd samninga sem gerðir eru við ráðuneyti um samstarf ríkisins og Akureyrarbæjar um málefni á verksviði stjórnarinnar og
• að skapa samráðsvettvang milli bæjarfélagsins og hagsmunaaðila á verkefna­sviði stjórnar Akureyrarstofu.

Kjörtímabilið 2010-2014 er stjórn Akureyrarstofu þannig skipuð:

Halla Björk Reynisdóttir, formaður	Sigmundur Ófeigsson, varaformaður	Jón Hjaltason	Sigrún Stefánsdóttir	Sóley Björk Stefánsdóttir

Varamenn í stjórn Akureyrarstofu:

Helga Mjöll Oddsdóttir

Aðalbjörg María Ólafsdóttir

Þórarinn Stefánsson

Jóhann Jónsson

Guðrún Þórsdóttir

Fundargerðir

Samþykkt um stjórn Akureyrarstofu