Lífsspeki fisksins er nokkuð sem margir vinnustaðir Akureyrarbæjar hafa tileinkað sér að undanförnu. Lífsspekin felur í sér fjögur einföld boðorð sem fela í sér leiðir til þess að láta sér líða betur í vinnunni. 
FISK boðorðin fjögur eru:
- Að leika sér
- Að velja sér viðhorf
- Að gera viðskiptavinum/samstarfsfólki daginn eftirminnilegan
- Að vera til staðar (vera þar)
Akureyrarbær hefur keypt tvær dvd myndir sem fjalla um lífsspeki fisksins.
Fyrri myndin fjallar um fisksalana á Pike Place fiskmarkaðnum í Seatle sem hafa það svo gaman í vinnunni að skrifstofufólk kemur í hádeginu til að horfa á þá vinna.
Seinni myndin heitir FISH! Vital Signs og fjallar um hvernig lífspeki fisksins er notuð á sjúkrahúsi.
Einnig er til bókin FISKUR! sem fjallar um lífsspekina og fisksalana.
Hægt er að nálgast myndirnar hjá starfsmannaþjónustu Akureyrarbæjar.
FISK lífsspekin:
- Getur hjálpað fólki að skilja að viðhorf þess er alfarið þeirra val.
- Hvetur einstaklinga til að ryðja hindrunum úr vegi á eigin ábyrgð.
- Skapar vettvang fyrir skapandi hugsun og frjálst flæði hugmynda.
