Velkomin(n) til starfa hjá Akureyrarbæ!
Akureyrarbær er stór vinnustaður með um 2.200 starfsmenn. Á hverju vori fjölgar starfsfólki um yfir 1000 manns vegna sumarafleysinga og vinnuskólans.
Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, heilsugæslu, öldrunarheimili, sambýli, rekstur mannvirkja, stjórnsýslu eða annað.
Starfsmannahandbók Akureyrarbæjar er ætlað að vera upplýsingaveita til starfsmanna bæjarins um réttindi þeirra og skyldur, símenntun, starfsemi bæjarins og fleiri gagnlegar upplýsingar.
