Ársreikningur Akureyrarbæjar fyrir árið 2009 liggur nú fyrir. Í stað tæplega 900 milljóna halla sem gert var ráð fyrir í fjárhagsáætlun er tekjuafgangur samstæðunnar, Akureyrarbæjar og fyrirtækja í eigu hans, 1165 milljónir króna. Stjórnendur og starfsmenn bæjarins eiga mikið lof skilið fyrir skilning og þátttöku í að ná þessum árangri.

Þjónustustefna Akureyrarbæjar var nýlega samþykkt í bæjarstjórn. Kynning á stefnunni mun fara fram á vinnustöðum Akureyrarbæjar á næstu vikum, en þjónustustefnan byggir á því að starfsfólk þekki hana og geti og vilji gera hana að sinni stefnu.