Fréttir
Forvarnir gegn kynferðisofbeldi
Samfélags- og mannréttindadeild bauð í síðustu viku öllum foreldrum grunnskólabarna sem og starfsfólki sem vinnur með börnum og unglingum upp á fyrirlestur um forvarnir gegn kynferðislegu ofbeldi. Fyrirlesarar voru Sigríður Björnsdóttir og Ingólfur Vilhelmsson hjá Blátt áfram.
Forvarnaverkefnið Blátt áfram var kynnt sem og leiðir til að fyrirbyggja kynferðislegt ofbeldi á börnum. Leitað var svara við spurningunum: Hver eru merkin? Hvert á að leita hjálpar? Af hverju segja börnin ekki frá? Hvernig og af hverju á ég að tala um þetta við börnin?
Gréta Kristjánsdóttir forvarnafulltrúi hélt utan um fundinn.
