13. janúar 2012
Nokkrar mannabreytingar urðu hjá félagsmiðstöðvunum nú um áramótin. Helga Ingadóttir og Óðinn Óðinson bættust í hópinn og munu þau starfa í félagsmiðstöðinni Tróju. Guðný Lára starfsmaður Himnaríkis lét af störfum og hélt erlendis og tók Dagný Björk við hennar starfi, en hún var áður í Tróju. Félagsmiðstöðvarnar vilja nota tækifærið og þakka Guðnýju fyrir hennar störf og óska henni velfarnaðar í nýju starfi og í nýju landi.
Síðdegisopnanir félagsmiðstöðvanna voru illa nýttar í öllum skólunum og tók sú tilraun enda nú um áramótin. Í staðinn kemur inn meiri þjónusta við miðstigið, en nú er farinn í gang 7. bekkjarklúbbur í öllum skólunum, sem verður einu sinni til tvisvar í viku.
