Sjúkraþjálfun

Á Hlíð er sjúkraþjálfun sem þjónustar íbúa Hlíðar og Bakkahlíðar. Þar er tækjasalur og heitur pottur. Þar starfa sjúkraþjálfari og aðstoðarmaður. Einnig er aðstaða til sjúkraþjálfunar í Kjarnalundi og þar starfa sjúkraþjálfararar 2 daga í viku. Það eru sjúkraþjálfarar frá Eflingu sjúkraþjálfun sem sjá um þjálfunina.

Markmið sjúkraþjálfunar er að:

• Þjálfa og viðhalda/bæta líkamlega færni heimilisfólks til sjálfshjálpar og til að létta umönnun.
• Endurhæfa eftir brot og sjúkdóma.
• Útvega hjálpartæki og veita fræðslu um skófatnað o.fl.
• Vinna að forvörnum fyrir starfsfólk t.d. með fræðslu og sýnikennslu um góðar vinnustellingar og vinnuvernd.

Markviss þjálfun og hreyfing eykur lífsgæði íbúa öldrunarheimilanna og er reynt að sjá til þess að sem flestir njóti hreyfingar sem oftast. Þar er boðið upp á styrktaræfingar í tækjum, jafnvægisæfingar, liðkandi æfingar og göngu- og þolþjálfun með umsjón sjúkraþjálfara og aðstoðarmanns. Þeir sem þurfa sértæka meðferð fá einnig einstaklingsmeðferð. Sértæk meðferð sjúkraþjálfara er ákveðin í samvinnu við lækni og hjúkrunarfræðing. Sjúkraþjálfarar annast val og pöntun, skráningu og létt viðhald á hjólastólum og öðrum hjálpartækjum fyrir íbúa öldrunarheimilanna.

Sjúkraþjálfunin í Hlíð sinnir göngudeildarþjónustu fyrir fólk sem kemur í dagþjónustu og alla þá sem þörf hafa á meðferð sjúkraþjálfara og vilja nýta sér hana. Til að fá sjúkraþjálfun þarf fólk sem býr utan Öldrunarheimilanna að fá beiðni hjá sínum lækni.  Greiða þarf  fyrir hluta af meðferðinni á móti Sjúkratryggingum Íslands.

Starfsmenn sjúkraþjálfunar í Hlíð eru:

• Ásta Þorsteinsdóttir, sjúkraþjálfari 
• Heiðdís Þorvaldsdóttir, sjúkraliði.
• Þórhallur Guðmundsson, sjúkraþjálfari

Starfsmenn sjúkraþjálfunar í Kjarnalundi eru: