Iðjuþjálfar Öldrunarheimila Akureyrar vinna samkvæmt hugmyndafræði iðjuþjálfunar sem og Eden hugmyndafræðinni sem innleidd hefur verið á öldrunarheimilin.
Iðjuþjálfar veita íbúum allra heimilanna þjónustu. Notendur skammtímadvala, dagþjónustu og félagsstarfs geta einnig nýtt sér þjónustu iðjuþjálfa.
Öldrunarlæknar og deildarstjórar vísa á iðjuþjálfa.
Markmið iðjuþjálfunar er að viðhalda getu og auka færni íbúa við iðju með fræðslu, ráðgjöf og þjálfun. Hverjum og einum er mikilvægt að stunda iðju sem hann hefur áhuga á og hefur það jákvæð áhrif á heilsu og vellíðan. Leitast er við að vinna einstaklingsmiðað þannig að þarfir hvers og eins séu hafðar að leiðarljósi.
Iðjuþjálfar sinna bæði einstaklingum og hópum og vinna að því að efla og viðhalda líkamlegri, andlegri og félagslegri vellíðan. Í boði eru sérúrræði fyrir fólk með heilabilun þar sem unnið er nánar með sálfélagslega nálgun. Iðjuþjálfar sinna einnig ýmsum sérverkefnum sem stuðla að tengingu út í samfélagið t.d við öll skólastig bæjarins.
Iðjuþjálfar Öldrunarheimila Akureyrar eru:
Ester Einarsdóttir, netfang: estere@akureyri.is
Hrefna Brynja Gísladóttir, netfang: hrefna@akureyri.is
Petra Sif Stefánsdóttir,netfang: petrasif@akureyri.is
