Hverfisnefnd Oddeyrar var stofnuð að frumkvæði bæjarstjórnar Akureyrar á opnum fundi í Oddeyrarskóla í nóvember 2002. Stofnun hverfisnefnda er hluti af framkvæmdaáætlun Staðardagskrár 21 og er grunnhugmyndin sú að færa lýðræðið nær íbúum bæjarins en nefndunum er ætlað að vera vettvangur íbúanna til að hafa áhrif á næsta umhverfi sitt. Allt starf hverfisnefnda er unnið í sjálfboðavinnu.
Hverfisnefnd Oddeyrar er fyrsta hverfisnefnd bæjarins en nú á árinu 2007 eru þær orðnað 8 talsins.
Í hverfisnefnd Oddeyrar voru kosin þann 21. mars 2007 þau: Auður Jónasdóttir, Erlendur Steinar, Gunnar Tryggvason, Steinþór Berg Lúthersson, Ingibjörg Bergl. Guðmundsdóttir, Hildur Friðriksdóttir, Hjalti Jóhannesson og Jón Einar Jóhannsson.
