Akureyrarkaupstaður leggur áherslu á að veita einstaklingum og fjölskyldum fyrirmyndar búsetuaðstæður og faglega þjónustu. Sérstök áhersla er lögð á góða leik- og grunnskóla, fjölbreytta íþrótta- og tómstundastarfsemi og að á Akureyri þrífist frjótt og öflugt lista- og menningarlíf.
Samfélags- og mannréttindaráð - 15.02.2012
1.Styrkveitingar samfélags- og mannréttindaráðs
2010110089
Rætt um styrki og samninga við æskulýðs- og tómstundafélög.
Hörður Geirsson og Þórhallur Jónsson f.h. Áhugaljósmyndaklúbbs Akureyrar voru gestir fundarins undir þessum lið. Fulltrúar KFUM og KFUK boðuðu forföll en hafa fengið kynningu á efninu.
Hörður Geirsson og Þórhallur Jónsson f.h. Áhugaljósmyndaklúbbs Akureyrar voru gestir fundarins undir þessum lið. Fulltrúar KFUM og KFUK boðuðu forföll en hafa fengið kynningu á efninu.
2.Jafnréttisstefna Akureyrarbæjar 2011-2015 - staðalímyndir kynjanna
2011100052
Afnám staðalímynda er eitt af áhersluatriðum Jafnréttisstefnu Akureyrarbæjar.
Hera Óðinsdóttir og G. Ómar Pétursson f.h. Dagskrárinnar og Þorvaldur Jónsson f.h. N4 komu á fundinn til samræðna um staðalímyndir, sjálfsmynd og viðhorf ungs fólks.
Hera Óðinsdóttir og G. Ómar Pétursson f.h. Dagskrárinnar og Þorvaldur Jónsson f.h. N4 komu á fundinn til samræðna um staðalímyndir, sjálfsmynd og viðhorf ungs fólks.
Samfélags- og mannréttindaráð þakkar gestunum fyrir komuna og jákvæðar undirtektir. Fyrirtækin tvö hafa tekið ábyrgt á málum.
Samfélags- og mannréttindaráð telur þörf á vitundarvakningu í samfélaginu og leitar þess vegna eftir samvinnu við fjölmiðla.
3.Mannréttindi samkynhneigðra
2012020106
Fjallað um stöðu og viðhorf til samkynhneigðra í ljósi niðurstaðna rannsóknar prófessora við Háskólann á Akureyri. Þar kemur fram að samkynhneigðir unglingar eru nærri tólf sinnum líklegri til að hugsa ítrekað um sjálfsvíg og allt að 25 sinnum líklegri en aðrir íslenskir unglingar til að hafa reynt að fremja sjálfsvíg margsinnis.
Samfélags- og mannréttindaráð hefur þungar áhyggjur af niðurstöðunum. Þóroddur Bjarnason prófessor mun kynna niðurstöðurnar nánar á næsta fundi ráðsins.
4.Jafnréttisstefna Akureyrarbæjar 2011-2015 - jafnréttisáætlanir stofnana
2011100052
Í jafnréttisstefnu Akureyrarbæjar er kveðið á um að allir vinnustaðir þar sem starfa fleiri en 25 starfsmenn skuli gera jafnréttisáætlanir í samræmi við lög um jafna stöðu og jafnan rétt kvenna og karla nr. 10/2008.
Endurskoðuð jafnréttisáætlun Slökkviliðs Akureyrar var lögð fram til kynningar.
Endurskoðuð jafnréttisáætlun Slökkviliðs Akureyrar var lögð fram til kynningar.
Samfélags- og mannréttindaráð fagnar endurskoðuninni og hvetur þær stofnanir sem ekki hafa lokið vinnu við gerð jafnréttisáætlana til að gera það sem fyrst.
5.Áfangar í átt til jafnréttis kynjanna
2012020092
Eftir bæjarstjórnarkosningar vorið 1982 settust þrjár konur í bæjarstjórn Akureyrar. Ekki höfðu áður setið svo margar konur þar. Tvær kvennanna voru fulltrúar Kvennaframboðsins og ein fulltrúi Framsóknarflokksins.
Samfélags- og mannréttindaráð mun minnast tímamótanna á bæjarstjórnarfundi 19. júní nk. og jafnframt standa fyrir útplöntun í Vilhelmínulundi við Hamra þann dag.
6.Fjölskyldustefna Akureyrarbæjar - endurskoðun
2008080068
Á fundi samfélags- og mannréttindaráðs 2. nóvember 2011 var samþykkt að stofna vinnuhóp um mat á fjölskyldustefnu Akureyrarbæjar. Óskað var eftir tilnefningum frá félagsmálaráði, framkvæmdaráði, íþróttaráði, skipulagsnefnd, skólanefnd, stjórn Akureyrarstofu og umhverfisnefnd. Borist hafa tilnefningar frá öllum nema stjórn Akureyrarstofu.
Samfélags- og mannréttindaráð felur formanni vinnuhópsins og framkvæmdastjóra að boða til fyrsta fundar.
7.Almannaheillanefnd
2008100088
Fundargerð almannaheillanefndar frá 3. febrúar sl. lögð fram til kynningar.
Fundi slitið.
+3.8°SA 2 m/s
Samfélags- og mannréttindaráð þakkar gestunum fyrir komuna og góðar umræður.