Akureyrarkaupstaður leggur áherslu á að veita einstaklingum og fjölskyldum fyrirmyndar búsetuaðstæður og faglega þjónustu. Sérstök áhersla er lögð á góða leik- og grunnskóla, fjölbreytta íþrótta- og tómstundastarfsemi og að á Akureyri þrífist frjótt og öflugt lista- og menningarlíf.
Framkvæmdaráð - 17.02.2012
1.Fráveita - upplýsingar um stöðu mála 2011
2011120044
4. liður í fundargerð bæjarráðs dags. 2. febrúar 2012:
Erindi dags. 26. janúar 2012 frá Alfreð Schiöth framkvæmdastjóra Heilbrigðiseftirlits Norðurlands eystra þar sem heilbrigðisnefnd skorar á bæjarstjórn Akureyrar að láta úrbætur á fráveitu Akureyrarbæjar fá algjöran forgang í framkvæmdaáætlun yfirstandandi árs. Meðfylgjandi er bókun heilbrigðisnefndar frá 25. janúar sl.
Bæjarráð vísar erindinu til framkvæmdaráðs.
Helgi Már Pálsson bæjartæknifræðingur fór yfir stöðu fráveitumála í sveitarfélaginu.
Erindi dags. 26. janúar 2012 frá Alfreð Schiöth framkvæmdastjóra Heilbrigðiseftirlits Norðurlands eystra þar sem heilbrigðisnefnd skorar á bæjarstjórn Akureyrar að láta úrbætur á fráveitu Akureyrarbæjar fá algjöran forgang í framkvæmdaáætlun yfirstandandi árs. Meðfylgjandi er bókun heilbrigðisnefndar frá 25. janúar sl.
Bæjarráð vísar erindinu til framkvæmdaráðs.
Helgi Már Pálsson bæjartæknifræðingur fór yfir stöðu fráveitumála í sveitarfélaginu.
Framkvæmdaráð telur rétt að möguleikar í fráveitulausnum verði skoðaðir betur og felur bæjartæknifræðingi að vinna áfram að málinu.
Framkvæmdaráð óskar eftir að fá niðurstöður á mælingu Heilbrigðiseftirlitis Norðurlands eystra síðustu ára á svæðinu til samanburðar og yfirlit yfir þær aðgerðir sem önnur sveitarfélög á svæðinu hafa farið í á tímabilinu.
2.Aflþynnuverksmiðjan Becromal Akureyri - stækkun - beiðni um umsögn
2012020095
Erindi frá Skipulagsstofnun dags. 7. febrúar 2012 þar sem óskað er eftir umsögn um hvort og á hvaða forsendum ofangreind framkvæmd skuli háð mati á umhverfisáhrifum.
Framkvæmdaráð telur framkvæmdina ekki háða mati á umhverfisáhrifum.
3.Blindrafélagið - ferðaþjónusta blindra - endurskoðun á samningi
2011120036
Helgi Már Pálsson bæjartæknifræðingur kynnti stöðu mála vegna endurskoðunar á samningi frá mars 2008 milli Blindrafélagsins og Akureyrarbæjar.
Framkvæmdaráð samþykkir fyrirliggjandi drög að samningi og felur bæjartæknifræðingi að ganga frá samningi við Blindrafélagið.
4.Snjómokstur - yfirlit fyrir árið 2011
2012020114
Tómas Björn Hauksson forstöðumaður gatnamála kynnti yfirlit um kostnað vegna snjómoksturs og hálkuvarna og magn hálkuvarnarefna á árinu 2011.
5.Hrafnagilsstræti/Þórunnarstræti - gangbrautarljós með hljóðmerki við gatnamót
2012010100
Erindi dags. 6 janúar 2012 frá Rannveigu Traustadóttir hjá Þjónustu- og þekkingarmiðstöð fyrir blinda, sjónskerta og daufblinda einstaklinga um hljóðmerki á gangbrautarljós við Hrafnagilsstræti/Þórunnarstræti.
Framkvæmdaráð samþykkir að gera tilraun með uppsetningu hljóðmerkja á umferðarljósum á gatnamótum Hrafnagilsstrætis og Þórunnarstrætis.
6.Önnur mál í framkvæmdaráði 2012
2012020036
Jón Ingi Cæsarsson áheyrnarfulltrúi S-lista lagði fram spurningar um námavinnslu í Nesjahverfi.
Fundi slitið.
+3.8°SA 2 m/s