Skólastarfið að hefjast

Starfið í grunnskólum bæjarins hefst á mánudaginn með skólasetningu, kynningu á skólastarfinu og viðtölum við nemendur og foreldra þeirra. Kennsla hefst síðan yfirleitt á þriðjudag en sums staðar á miðvikudag samkvæmt stundarskrá. Grunnskólar Akureyrarbæjar eru 10 og nemendur sem hefja nám núna um 2.650, þar af eru tæplega 300 að hefja grunnskólagönguna.

 

Af skólunum sjö á Akureyri er Brekkuskóli fjölmennastur með u.þ.b. 500 nemendur og Oddeyrarskóli fámennastur með tæplega 200 nemendur. Fámennustu skólarnir eru Grímseyjarskóli með 5 nemendur í 1.–8. bekk og Hríseyjarskóli með 15 nemendur í 1.–10. bekk. Þá er rekinn sérskóli, Hlíðarskóli, fyrir u.þ.b. 20 nemendur.