Mynd: Auðunn Níelsson.
Í dag og á morgun, laugardag, verður 34. Hængsmótið haldið í Íþróttahöllinni. Á þessu Hængsmóti verður keppt í sveita- og einstaklingskeppni í boccía og í borðtennis karla og kvenna auk lyftinga. Keppendur nú eru 205 frá 11 félögum af öllu landinu.
Í borðtennis eru skráðar 2 konur og 15 karlar eða samtals 17 keppandur. Í einstaklingskeppni í boccía eru skráðir 181, í sveitakeppni eru skráðar 56 sveitir.
Keppt verður til kl. 21 í kvöld og aftur hafist handa klukkan 9 í fyrramálið. Hængsmótinu lýkur svo með veglegu hófi í Íþróttahöllinni kl. 19.30 á morgun og verður þar boðið upp á skemmtiatriði ásamt verlaunaafhendingu, happadrætti og dansleik. Á lokahófið hafa skráð sig yfir 300 gestir.
Hængsmótið er stærsta og jafnframt skemmtilegasta verkefni Lionsklúbbsins Hængs en þaðan kemur nafnið Hængsmót.