Mæðravernd

Brauðmolar

Mæðravernd

Staðsett á 4. hæð á heilsugæslustöðinni

Opnunartími:
Mæðraverndin er opin alla daga, tímapantanir í mæðravernd í síma: 460 4640 á milli kl. 10:00 og 12:00.
Ljósmæður eru við frá kl. 8 - 12 alla daga, suma daga lengur.
Símatími er alla virka daga kl. 10-12 í síma 460 4600. Ritari gefur tíma, veitir upplýsingar og tekur skilaboð til ljósmæðra.

Ljósmæður og ritari:
Deildarstýra mæðraverndar er Hulda Pétursdóttir ljósmóðir (huldape@hak.ak.is)
Aðrar ljósmæður í mæðravernd eru:
Elísabeth Zitterbart (elisabet@hak.ak.is)
Helga Jóhannsdóttir
Málfríður Þórðardóttir (malla@hak.ak.is)
Ritari er Hildur Larsen.

Mæðravernd á heilsugæslustöðinni (HAK)
Í mæðravernd er verðandi foreldrum boðið upp á að koma reglulega til viðtals og skoðunar hjá ljósmóður og í sumar komur einnig til heimilislæknis. Alla jafna koma verðandi foreldrar í fyrsta skiptið þegar eru liðnar 13-15 vikur af meðgöngunni og síðan á nokkurra vikna fresti allt eftir aðstæðum hjá hverjum og einum.

Reynt er að leggja áherslu á það að sama ljósmóðirin sinni fjölskyldunni allan meðgöngutímann og heimilislæknir fjölskyldunnar tekur einnig þátt í mæðraverndinni meðal annars í tengslum við Nýja barnið sem beinist m.a. að því að meta þörf verðandi foreldra fyrir aukna þjónustu í mæðravernd.

Markmið mæðraverndar eru:
* Að stuðla að sem bestri líðan foreldra og barns á meðgöngutímanum og eftir fæðinguna.
* Að greina áhættuhópa sem þurfa aukna þjónustu og sinna þörfum þeirra sérstaklega.
* Að fyrirbyggja og greina líkamleg og andleg frávik hjá mæðrum á meðgöngutímanum og gera viðeigandi ráðstafanir.

Fæðingarlæknar taka þátt í mæðraverndinni þar sem öllum verðandi mæðrum er boðið upp á sónarskoðun í kringum 20. viku meðgöngu og sinna þeir eftirliti kvenna, sem af einhverjum ástæðum þurfa sérhæft eftirlit á meðgöngu.