Á meðgöngu er verðandi foreldrum boðið upp á stuðning og ráðgjöf til að sem best megi til takast með barnið sem er í vændum. Metið er í samráði við verðandi foreldra hvort og þá hvaða stuðningur eigi best við í hverju tilfelli fyrir sig. Ljósmæður í mæðravernd vísa á fjölskylduráðgjöf, svo og hjúkrunarfræðingar í ungbarnavernd og heimilislæknar. Einnig getur fólk leitað beint til fjölskylduráðgjafa í símatíma.
Verðandi foreldrar og nýorðnir foreldrar hafa forgang að fjölskylduráðgjöf HAK, meðal annars til að:
-
undirbúa foreldrahlutverkið og efla foreldrahæfni
-
vinna úr erfiðri fyrri fæðingarreynslu
-
vinna með kvíða, depurð eða tilfinningalega vanlíðan
-
vinna með erfiðleika eða áföll í tengslum við eigið uppeldi
-
vinna með fæðingarþunglyndi eða tengslaerfiðleika við barnið
-
vinna með erfiðleika í sambúð milli hjóna/para
Hér er fróðlegt myndband nema í sálfræðiáfanga við Menntaskólann á Akureyri um fæðingarþunglyndi sem gert var í samvinnu við fjölskylduráðgjöfina á HAK.
