Vetrarfrí eru hafin í grunnskólum á Akureyri og í Reykjavík. Gera má ráð fyrir að fjöldi fólks leggi leið sína norður til Akureyrar þessa dagana til að njóta lífsins með fjölskyldunni, enda mikið úrval viðburða og fjölbreytt afþreying í boði. Á vefsíðunni www.visitakureyri.is hefur verið safnað saman upplýsingum um helstu viðburði til glöggvunar fyrir heimamenn og gesti bæjarins. Lesa meira

Það hefur verið gestkvæmt í Ráðhúsi Akureyrarbæjar í dag þegar krakkar í skrautlegum öskudagsbúningum hafa lagt þangað leið sína til að syngja fyrir nammi. Sungið hefur verið á öllum hæðum og alls kyns lög, allt frá ættjarðarlögum til nýjustu dægurlagaslagara. Lesa meira

Það er ekki ofsögum sagt að ósk Minjasafnsins um aðstoð frá almenningi til að bera kennsl á áningarstaði og þá sem þar áðu hafi verið tekið með eindæmum vel. Hátt í 200 gestir, bæjarbúar og áhugasamir ferðalangar á leið um vetrarríkið Akureyri, hafa lagt hönd á plóginn og borist hafa upplýsingar um mjög margar myndir. Lesa meira

Sinfóníuhljómsveit Norðurlands hefur nú í febrúarmánuði haldið tónleika í grunnskólum bæjarins. Á efnisskránni er tónverkið Lykillinn eftir Tryggva M. Baldvinsson við sögu eftir Sveinbjörn I Baldvinsson. Sögumaður er Hannes Örn Blandon og stjórnandi Guðmundur Óli Gunnarsson.

Lesa meira

Að venju verður mikið um að vera á öskudaginn á Akureyri. Þann dag hefjast vetrarfrí í grunnskólum bæjarins og einnig má búast við að mikill fjöldi gesta verði í bænum því á sama tíma hefjast vetrarfrí í fjölmörgum grunnskólum á Reykjavíkursvæðinu. Lesa meira

Ríflega 150 manns sóttu kynningu á tillögum að nýju deiliskipulagi fyrir miðbæinn á Akureyri sem haldin var á Amtsbókasafninu á laugardag. Þar gerðu bæjarstjóri, hönnuður frá Graeme Massie Architects og skipulagsstjóri grein fyrir skipulagshugmyndunum og svöruðu fyrirspurnum.

Lesa meira

Foreldrum, forráðamönnum og öðrum áhugasömum er boðið á fyrirlestur um örugga netnotkun barna og unglinga sem haldinn verður í dag, mánudaginn 23. febrúar, kl. 18 á sal Brekkuskóla á Akureyri. Lesa meira

Akureyrarbær og Graeme Massie Architects hafa á síðustu misserum unnið markvisst að því að móta verðlaunahugmyndir úr hugmyndasamkeppni Akureyrar í öndvegi. Nú liggur fyrir tillaga að nýju deiliskipulagi og er óskað eftir viðbrögðum íbúa og atvinnurekenda við þeim. Markmiðið er að miðbærinn verði öflugur vettvangur mannlífs, menningar og atvinnutækifæra.

Lesa meira

Sigþór Heimisson, framkvæmdastjóri fyrirtækisins Pólýhúðun á Akureyri, og Sigrún Björk Jakobsdóttir, bæjarstjóri, undirrituðu í gær eflingarsamning til atvinnuuppbyggingar hjá þessu nýja og ört vaxandi fyrirtæki. Pólýhúðun býður umhverfisvæna og hagkvæma leið til lökkunar á málmhlutum með svokallaðri pólýhúðun eða innbrenndri duftlökkun. Lesa meira

Tangóklúbbur Norðurlands stendur fyrir sérstakri tangóhelgi á Akureyri um helgina. Hið frábæra tangópar Bryndís Halldórsdóttir og Hany Hadaya koma norður í þriðja sinn og dansa sig inn í konudaginn með Norðlendingum. Sporin verða rifjuð upp með reyndum dönsurum og byrjendum kennt frá grunni.

Lesa meira

Laugardaginn 21. febrúar verður "Dagur tónlistarskólanna" haldinn hátíðlegur. Þá verður opið hús í Tónlistarskólanum á Akureyri að Hvannavöllum 14 frá kl. 10-14. Tónleikar verða á heila tímanum og opnar tónsmiðjur á hálfa tímanum þar sem almenningi gefst kostur á að taka þátt sér til ánægju og að kostnaðarlausu. Lesa meira

Edda Björgvinsdóttir, Helga Braga Jónsdóttir og Björk Jakobsdóttir eru "Fúlar á móti" í nýju skítfyndnu uppistandi í útfærslu Gísla Rúnars Jónssonar sem frumsýnt verður hjá Leikfélagi Akureyrar föstudaginn 20. febrúar. Þetta er í fyrsta skipti sem þessar vinsælustu uppistandsleikkonur þjóðarinnar stíga saman á stokk og einnig í fyrsta skipti sem þær leika hjá Leikfélagi Akureyrar. Lesa meira

Sérstakir gestir á Vetrarhátíð í Reykjavík um síðustu helgi voru fulltrúar úr ferðaþjónustu á Akureyri og af Norðurlandi öllu. Þeir höfðu aðsetur í Höfuðborgarstofu þar sem kynntar voru dásemdir Norðurlands, gestir og gangandi fengu að bragða á norðlenskum matvælum og boðið var upp á ýmsar óvæntar uppákomur.

Lesa meira

Það verður án efa forvitnilegt að skoða sýninguna Þekkir þú...áningastaðinn? sem opnar á morgun klukkan 14 í Minjasafninu á Akureyri. Sýningin samanstendur af 80 óþekktum myndum úr safni Minjasafnsins. Lesa meira

Lið Akureyrar mætir liði Fljótsdalshéraðs í átta liða úrslitum spurningakeppni sveitarfélaganna, Útsvari, klukkan 20.15 í kvöld í Sjónvarpinu. Fyrir hönd Akureyrar keppa eins og áður Arnbjörg Hlíf Valsdóttir, Finnur Friðriksson og Pálmi Óskarsson. Lesa meira

Staða rektors við Háskólann á Akureyri var auglýst þann 9. janúar 2008 og rann umsóknarfrestur út þann 10. febrúar sl. Alls bárust sex umsóknir um starfið, umsækjendur eru í stafrófsröð:

Lesa meira

Umsóknartímabil sumarstarfa hjá Akureyrarbæ hófst í dag, 11. febrúar, og stendur til 18. mars nk. Fjölbreytt störf eru í boði og eru umsækjendur hvattir til þess að kynna sér framboðið á heimasíðu bæjarins.

Lesa meira

Skákfélag Akureyrar fagnaði í dag 90 ára afmæli sínu en félagið var stofnað 10. febrúar 1919. Ýmislegt var gert til hátíðarbrigða vegna þessara tímamóta. Klukkan 17.00 var opið hús í skákmiðstöð félagsins í suðurenda Íþróttahallarinnar þar sem meðal annars var undirritaður samningur við Akureyrarbæ um skákþjálfun barna og unglinga undir heitinu „Æskan að tafli“.

Lesa meira

RES Orkuskólinn á Akureyri (RES – the School for Renewable Energy Science) var settur á laugardag í annað sinn. Á komandi námsári munu yfir fjörtíu nemendur frá fjórtán löndum hefja meistaranám í vistvænni orkunýtingu við skólann. Um er að ræða eins árs meistaranám í endurnýjanlegum orkufræðum og vistvænni orkunýtingu í samstarfi við Háskóla Íslands og Háskólann á Akureyri. Lesa meira

Álagningu fasteignagjalda á Akureyri er lokið og hafa álagningarseðlar verið póstlagðir. Þrátt fyrir ríflega 15% meðalverðbólgu á milli ára, hefur verið reynt að sporna gegn hækkun fasteignagjalda og nemur hún vel innan við helmingi af almennum verðhækkunum í þjóðfélaginu. Lesa meira

Samtökin Landsbyggðin lifi hafa, í samvinnu við stofnanir og félagasamtök úr ýmsum greinum atvinnulífsins, skipulagt fundi á landsbyggðinni undir kjörorðunum Farsæld til framtíðar! Fyrsti fundurinn verður á Akureyri laugardaginn 7. febrúar 2009 kl. 12.30-15.00 í Brekkuskóla við Laugargötu.

Lesa meira

Landráð er alvarlegasti glæpur sem hægt er að fremja. Eru útrásarvíkingarnir Quislingar Íslands – af gáleysi? Er hægt að koma lögum yfir þá? Er hægt að kæra fyrir landráð af gáleysi? Hvaða möguleikar eru til lögsókna fyrir almenning, fyrir þjóðina? Þessum og fleiri spurningum verður velt upp á borgarafundi í Ketilhúsinu nk. sunnudag kl. 15.00.

Lesa meira

Dagur leikskólans var haldinn í fyrsta skipti 6. febrúar á síðasta ári en þann dag árið 1950 stofnuðu frumkvöðlar leikskólakennara fyrstu samtök sín. Ákveðið var að halda upp á daginn ár hvert og í fyrra gaf menntamálaráðuneytið út bæklinginn “Dagur leikskólans” í samvinnu við samstarfsaðila. Lesa meira

Nú hefur verið opnað fyrir umsóknir um styrki úr Menningarsjóði Akureyrarbæjar og er umsóknarfrestur til 13. febrúar. Það er stjórn Akureyrarstofu sem úthlutar úr sjóðnum í febrúar og september ár hvert en hlutverk hans er að styrkja listastarfsemi og aðra menningarstarfsemi á Akureyri með fjárframlögum. Lesa meira

Næstu Föstudagsfreistingar í Ketilhúsinu eru spennandi fyrir allt tónlistaráhugafólk, hvaða tónlistarstefnu sem það telur sig tilheyra. Hjörleifur Örn Jónsson slagverksleikari flytur verk fyrir ýmis slagverkshljóðfæri. Lesa meira

Skráning er komin á fullt skrið í verkefnið Samlist á Akureyri en þar er um að ræða grasrótarstarf listamanna í bænum með nýjar leiðir að markmiði. Verkefnið er unnið í samvinnu við Akureyrarstofu og Vinnumálastofnun.

Lesa meira