Sjö krakkar af leikskólanum Kiðagili heimsóttu bæjarstjórann Sigrúnu Björk Jakobsdóttur í morgun og lögðu fyrir hana nokkrar spurningar sem á þeim brenna en krakkarnir eru að vinna þemaverkefni um bæinn sinn. Lesa meira

Frá og með 1. febrúar nk. verða breytingar á opnunartíma gámasvæðis við Réttarhvamm og urðunarstaðar á Glerárdal.

Lesa meira

Miðvikudaginn 28. janúar kl. 20 verða stofutónleikar í Davíðshúsi. Flutt verða tvö kammerverk, annars vegar Kvartett í D dúr fyrir þverflautu, fiðlu, víólu og selló eftir Mozart og hins vegar Strengjakvartett opus 12 í Es dúr eftir Mendelssohn. Lesa meira

Hópferðabílar Akureyrar ehf. bjóða nú sætaferðir upp í Hlíðarfjall og til baka, alla daga nema þriðjudaga og sunnudaga. Þetta er kærkomin nýjung sem margir munu eflaust nýta sér

Lesa meira

Í kvöld og annað kvöld býður Leikfélag Akureyrar upp á fyrstu gestasýningu ársins. Þar eru á ferðinni tveir af okkar reyndustu dönsurum, þær Ástrós Gunnarsdóttir og Lára Stefánsdóttir. Sýnt verður í Samkomuhúsinu föstudagskvöldið 23. janúar og laugardagskvöldið 24. janúar.

Lesa meira

Hvernig var spáð fyrir um framtíðina hér áður fyrr? Hvernig sá fólk fyrir um gestakomur, veður og þess háttar? Fimmtudagskvöldið 22. janúar kl. 20 geta gestir Gamla prestshússins í Laufási fengið svör við þessum spurningum og fleirum er snerta spádóma og drauma. Lesa meira

Sinfóníuhljómsveit Norðurlands heldur tónleika í Akureyrarkirkju sunnudaginn 25. janúar kl. 16.00. Einleikari á orgel er Eyþór Ingi Jónsson og stjórnandi Guðmundur Óli Gunnarsson. Á efnisskrá tónleikanna er Orgelkonsert í a-moll op. 100 eftir Marco Enrico Bossi og Sinfónía nr. 4 eftir Ludvig van Beethoven.

Lesa meira

Á fimmtudag verður haldinn opinn fundur í Brekkuskóla á Akureyri frá kl. 18.00 til 21.00 undir yfirskriftinni "Gleðilegt ár 2009". Ræddar verða spurningar á borð við þessar: Staðan er eins og hún er... hvað getum við gert? Hvernig hlúum við að því góða sem við eigum og hvernig sköpum við nýtt?

Lesa meira

Mjög góðar aðstæður eru nú til skíðaiðkunar í Hlíðarfjalli við Akureyri og því hefur verið ákveðið að hafa ókeypis í allar skíðalyftur á svæðinu um næstu helgi, 24.-25. janúar, til að fagna frábærri byrjun á góðum vetri. Lesa meira

Miðvikudaginn 21. janúar kl. 20 verður haldinn opinn borgarafundur í Deiglunni á Akureyri um niðurskurð í menntamálum. Framsögu flytja Ragnar Sigurðsson, formaður Félags Stúdenta við Háskólan á Akureyri, Rakel Snorradóttir, framhaldsskólanemi, og Rúnar Sigþórsson, dósent við Háskólann á Akureyri. Lesa meira

Menningin verður með blómlegra móti á Akureyri um helgina og setur sem endranær svip sinn á bæjarbraginn. Á föstudagskvöld frumsýnir Leikfélag Akureyrar nýtt íslenskt leikrit, "Falið fylgi" eftir Bjarna Jónsson og Vinir Dóra með Ragnheiði Gröndal innanborðs halda tónleika á Græna hattinum. Á laugardag verður meðal annars opnuð sýning leirlistakonunnar Margrétar Jónsdóttur í Listasafninu. Lesa meira

Landsmót UMFÍ, það 26. í röðinni, verður haldið á Akureyri dagana 9. til 12. júlí í sumar. Mótið verður sögulegt því í ár eru liðin eitt hundrað ár frá því að fyrsta Landsmót UMFÍ var haldið á Akureyri. Þessara tímamóta verður minnst á ýmsan hátt í tengslum við landsmótið. Lesa meira

Dýrleif Bjarnadóttir píanókennari lauk störfum við Tónlistarskólann á Akureyri nú á dögunum en þá hafði hún starfað við skólann í 44 ár. Dýrleif hóf sjálf nám við Tónlistarskólann á Akureyri árið 1951 þá aðeins 8 ára gömul og gekk síðar til liðs við skólann sem kennari undir stjórn Jakobs Tryggvasonar.

Lesa meira

Rakel Hönnudóttir, knattspyrnukona í Þór/KA er Íþróttamaður Akureyrar 2008. Önnur í kjörinu var Dagný Linda Kristjánsdóttir, skíðakona í Skíðafélagi Akureyrar og í þriðja sæti var Bryndís Rún Hansen, sundkona í Óðni.

Lesa meira

Laugardaginn 17. janúar kl. 15 verður opnuð sýning á verkum leirlistakonunnar Margrétar Jónsdóttur í Listasafninu á Akureyri. Margrét (f. 1961) hefur unnið að listsköpun sinni á Akureyri síðan 1985 en hún lærði leirlist í Danmörku við Listiðnaðarskólann í Kolding frá 1980-1984. Lesa meira

Á föstudag frumsýnir Leikfélag Akureyrar leikritið Falið fylgi, nýtt verk eftir Bjarna Jónsson. Leikritið segir frá Ellen sem er að leggja af stað í kosningabaráttu sem frambjóðandi í prófkjöri. Hún ræður til sín tvo starfsmenn og fljótlega kemur í ljós að þeir eiga erfitt með að vinna í teymi. Þegar dularfullur maður tekur að gerast daglegur gestur á skrifstofunni reynir fyrir alvöru á forsvarsmenn framboðsins.

Lesa meira

Íþróttamaður ársins 2008 á Akureyri verður útnefndur í sérstöku hófi næsta miðvikudagskvöld. Fjórtán aðildarfélög ÍBA hafa tilnefnt íþróttamenn úr sínum röðum. Úr þessum hópi kýs stjórn Íþróttabandalags Akureyrar, auk fulltrúa fjölmiðla á Akureyri, Íþróttamann Akureyrar 2008. Upplýst verður um þrjú efstu sætin í hófinu nk. miðvikudag, en allir þeir íþróttamenn sem eru tilnefndir fá viðurkenningar. Lesa meira

Lið Akureyrar mætir liði Garðabæjar í spurningakeppni sveitarfélaganna, Útsvari, klukkan 20.15 í kvöld í Sjónvarpinu. Fyrir hönd Akureyrar keppa eins og áður Arnbjörg Hlíf Valsdóttir, Finnur Friðriksson og Pálmi Óskarsson. Lesa meira

Helena Guðlaug Bjarnadóttir sópransöngkona, Una Björg Hjartardóttir þverflautuleikari, Ásdis Arnardóttir sellóleikari og Guðný Erla Guðmundsdóttir semballeikari koma fram á fyrstu hádegistónleikum Tónlistarfélags Akureyrar á nýju ári. Lesa meira

Hinn landsþekkti klifrari og fjallaleiðsögumaður Jökull Bergmann hefur sagt kreppunni stríð á hendur og sett í loftið nýja heimasíðu fjallaleiðsögufyrirtækið. Þetta er nýjung í framboði á fjallaferðum á Íslandi þar sem mikil áhersla er lögð á t.d þyrluskíðaferðir á Tröllaskaga.

Lesa meira

Útköll hjá slökkviliði Akureyrar voru 2.263 árið 2008 og er það fjölgun um 119 útköll á milli ára eða um 5.5%. Útköll slökkvibíla liðsins voru 124 og er það fækkun á milli ára. Lesa meira

Þrettándagleði Þórs verður haldin föstudaginn 9. janúar kl. 19 við Réttarhvamm. Þar munu jólasveinar heilsa upp á fólkið áður en þeir halda til heimkynna sinna í fjöllunum. Einnig verða á svæðinu ýmsar kynjaverur, svo sem tröll og púkar, og álfakóngurinn og álfadrottningin. Lesa meira

Norðlendingur ársins 2008, að mati hlustenda Útvarps Norðurlands, er Sindri Cæsar Magnason. Sindri vann þá hetjudáð, í nóvember síðastliðnum, að bjarga konu úr bíl sem oltið hafði út í Eyjafjarðará. Lesa meira