Fasteignir Akureyrarbæjar er þjónustustofnun sem hefur það að markmiði að uppfylla þarfir og væntingar viðskiptavina sinna og veita góða þjónustu við notendur húsnæðis í eigu bæjarins. Fasteignir Akureyrarbæjar hafa það að markmiði:
- að tryggja faglega hönnun, framkvæmd og viðhald bygginga í eigu Akureyrarbæjar.
- að bæta viðhald húsnæðis í eigu bæjarins með kerfisbundnum hætti.
- að ná fram hagkvæmari innkaupum á vöru og þjónustu.
- að gæði og ending fasteigna sé sem best verður á kosið.
- að framkvæmdir séu í samræmi við tíma-, fjárhags- og kostnaðaráætlanir.
- að ná fram betri nýtingu á húsnæðinu.
- að tryggja notendunum sem besta þjónustu.
- að ná fram hagræðingu í rekstri fasteigna.
- að koma upp skráningu á viðhaldi fasteigna.
Stofnanir eru leigjendur hjá félaginu og er gerður leigusamningur við hverja stofnun fyrir sig sem tók gildi um áramót 2001/2002. Fasteignir Akureyrarbæjar leggja áherslu á gott samstarf og þjónustu við viðskiptavini sína og hafa að leiðarljósi fagleg vinnubrögð við hönnun, framkvæmd og viðhald húsnæðis. Helstu flokkar fasteigna sem félagið hefur umsjón með eru:
- Leikskólar
- Grunnskólar
- Íþróttahús
- Sundlaugar
- Menningar og listahús
- Dvalarheimili
- Sambýli
- Þjónustumiðstöðvar
- Skrifstofuhúsnæði
- Slökkvistöð
- Leiguíbúðir
- Aðrar eignir
