Draumasetrið Skuggsjá hefur starfað á Akureyri frá árinu 2003 og safnar og rannsakar drauma Íslendinga fyrr og nú. Spjaldasýning Draumasetursins Skuggsjár á draumum barna í Eyþingi. Til sýnis eru líka bækur og kvikmyndir, sem koma inn á svefn og drauma barna. Sýningin er byggð á barnadrauma-könnun Skuggsjár, sem fram fór á árunum 2007 til 2009 á Akureyri, í Grímsey og á Þórshöfn á Langanesi. Lesa meira

Evudætur: Tóta, Tobba og Hrafnhildur. Hér eru á ferðinni þær stöllur Þórunn Elísabet Sveinsdóttir (Tóta), Þorbjörg Halldórsdóttir (Tobba) og Hrafnhildur Arnardóttir. Þessar vinkonur unnu allar um skeið hjá Fríðu frænku þar sem gamlir hlutir ganga í endurnýjum lífdaga og andi hins liðna svífur yfir vötnum. Þær eiga einnig sameiginlegt að vinna með fundna hluti og alls konar lífræn og ólífræn efni og aðferðir. Lesa meira

Sýningin "Bráðum – áminning um möguleika gleymskunnar" er haldin í GalleríBOX á Akureyri. Opið er föstudaga til sunnudaga frá kl. 14-17. Sýningin fjallar í stuttu máli sagt um bækur, rithöfunda, skáld, prentsmiðjur og útgáfustarfsemi í Eyjafirði og Þingeyjarsýslum. Lesa meira

Sveinka (Sveinbjörg Ásgeirsdóttir) heldur sýninguna “Á meðan ég svaf“ á Café Karólínu. Sýningin samanstendur af draumkenndum fígúratífum vatnslita-blek myndum sem málaðar eru á ríspappír sem spilar sitt hlutverk með litunum. Sýningin er opin á opnunartímum kaffihússins. Lesa meira