Barnastarfið

Athugið að barnadeild Amtsbókasafnsins er með sér-heimasíðu: http://barnastarf.akureyri.is/

Í barnadeildinni er efni fyrir börn á öllum aldri og einnig efni fyrir ungt fólk.

Mikið er til af skemmtilegum harðspjaldabókum fyrir yngstu lánþegana, alls konar smábarnabækur, barnabækur, skáldsögur sem og fræðibækur.

Einnig teiknimyndasögur og blöð s.s. Andrés Önd, Galdrastelpurnar og Power Mark.

Bækur á erlendum tungumálum, s.s. ensku, þýsku, norðurlandamálum og slavneskum málum, fyrir börn og unglinga.

Teiknimyndir, fjölskyldumyndbönd, fræðslumyndbönd og hljóðsnældur eru til útláns í barnadeild. Einnig leikir á tölvudiskum og tónlist, og er það efni staðsett á 1.hæð.

Ýmiskonar spil eru einnig lánuð innan safnsins, flest eru í barnadeild en önnur fást í afgreiðslunni gegn framvísun skírteinis.

Fyrsta bókasafnsskírteini er ókeypis.

Getraun mánaðarins er fyrir öll börn og dregnir eru út tveir vinningshafar sem hljóta verðlaun.

Leshringurinn er fyrir fólk á aldrinum 12-13 og hittist einu sinni í mánuði yfir vetrartímann og ræðir þá bók sem lesin var í sameiningu.

Boðið er uppá sögustundir frá hausti til vors, og safnkynningar fyrir leik-og grunnskólabörn.