Lestrarhvetjandi námskeið fyrir börn í 3. og 4. bekk - Í samstarfi Amtsbókasafnsins og Minjasafnsins á Akureyri - Þema námskeiðsins að þessu sinni er Gamlir leikir, gömul hús.
Markmið námskeiðsins er að börnin lesi sér til ánægju í sumar, bæði bækur og umhverfi sitt. Áhersla er lögð á yndislestur og að efla færni barnanna í að lesa í minjar, umhverfi, sögu og listir bæjarins. Börnin lesa, fá að skoða og kynnast starfi safna og sýninga. Einnig er farið í skoðunarferðir um nánasta umhverfi safnanna. Þema námskeiðsins að þessu sinni er Gamlir leikir, gömul hús.
Námskeiðið er ætlað börnum sem fædd eru á árunum 2005 og 2006 (3. og 4. bekkur)
Námskeiðsgjald er 2.500 kr. — fjöldatakmarkanir eru á námskeiðin.
Greiðsluupplýsingar berast við skráningu og námskeiðsgjöld þarf að greiða innan 2ja daga frá svarsendingu.